Arbeid i samband med bygging av Anga kraftverk, i sideelva til lakseelva Jølstra, har dei to siste vekene ført til ureining og misfarging av elva nettopp i den sårbare tida for laksyngelen til Jølstralaksen. 

– Dette ser ikkje bra ut. Eg håper ureininga og lausmassane i Anga ikkje får negativ innverknad på livet i elva, seier Karl Oddvar Vie som er leiar i Førde elveeigarlag til avisa Firda.  - Tabbe av Fylkesmannen  grunna  manglande kunnskaper hos Fylkesmannen, meiner nettavisa Fiskeguiden.no.

Fiskeguiden.no: - Manglande kunnskaper om miljøet i elva.

– NVE har vore i kontakt med Fylkesmannen Vestlands miljøavdeling, og vår vurdering er at denne hendinga er uproblematisk for livet i elva, og at gravearbeidet i elvebotnen som forårsaka farginga er lovlege tiltak, seier Ole Per Schei som er senioringeniør i Norges vassdrags- og energidirektorats (NVE) avdeling for miljøtilsyn og beredskap, til avisa Firda, og avslører dermed etter Fiskeguiden.no si oppfatning Fylkesmannen og NVE sine manglande kunnskaper om laksens- og sjøaurens livsmiljø i elva, og spesielt  nå midt i den mest sårbare perioden for lakseyngelen i vassdraget. Det er utruleg at Fylkesmannen kan kalle kraftfolka sine gravingar i samband med bygginga  av Anga kraftverk for uproblematiske. Gravinga i elvene Jølstra og Anga legg ei klam hand over heile insektmiljøet i elva i  fleire år, viser erfaringane frå andre vassdrag, meiner nettmagasinet Fiskeguiden.no 

Resultatet vart at elva fleire dagar dei to siste vekene var sterkt misfarga av leire og fine partiklar. Sikten i elvevatnet var difor berre nokre centimeter på heile strekninga frå kraftstasjonsbygget på Hjelle og ned til der Anga møter Jølstra like ved Førdehuset.

I tillegg vart det meldt om både oljesøl og trematerial som kom drivande nedover elva.

Kraftig ureining

– Dersom ei så kraftig ureining av elvevatnet varer for lenge, kan det få negativ effekt på livet i elva. Problemet er rett og slett at levande organismar ikkje har nok sikt til å sjå maten dei treng, seier Vie.

Langvarig misfarging av denne typen vil ifølgje Vie òg kunne resultere i at lausmassane dekkjer mat som er spesielt viktig for fiskeyngel i elva. Slam og botnfall vil òg kunne dekke og øydelegge rogn dersom utsleppet varer lenge nok, seier Vie.

Førde elveeigarlag har i årevis lagt ned ein stor innsats for å betre tilhøva for laks og aure i elvene i Førde, og Vie rosar spesielt Sunnfjord energi for godt samarbeid i dette arbeidet.

Han undrar seg difor over at Førde elveeigarlag ikkje vart varsla om denne ekstraordinære situasjonen, sidan laks og aure er truga artar i vassdraget.

– Eg visste ingenting om dette før Firda tok kontakt. No er det sjølvsagt lite å gjere, anna enn å håpe at livet i elva ikkje har teke skade.

– Uproblematisk

– NVE har vore i kontakt med Fylkesmannen Vestlands miljøavdeling, og vår vurdering er at denne hendinga er uproblematisk for livet i elva, og at gravearbeidet i elvebotnen som forårsaka farginga er lovlege tiltak, seier Ole Per Schei som er senioringeniør i Norges vassdrags- og energidirektorats (NVE) avdeling for miljøtilsyn og beredskap.

Schei fortel at NVE fekk ei anonym uromelding onsdag 6. mars om misfarging av elva, drivande trevirke og oljesøl. Etter nærare samtale med meldar ligg oljesølet noko tilbake i tid og var etter måten marginalt, fortel Schei.

Bileta i denne artikkelen er tekne seint om ettermiddagen måndag 11. mars; 5 dagar etter at NVE fekk uromeldinga. Sjølv då var Anga sterkt misfarga heile vegen ned til forbi staden der ho møter Jølstra ved Førdehuset.

Det skuldast ifølgje Schei avsluttande arbeid med grøfta.

Bad om skrifteleg orientering

På bakgrunn av uromeldinga gjennomførte Schei ei kort synfaring av Anga der han òg var i kontakt med maskinførarane på anlegget. I tillegg bad han utbyggjaren om ei skriftleg orientering om tilhøva, plan for å rydde opp, og tiltak for å hindre liknande hendingar.

– Anga kraft AS fortel i svaret til NVE at misfarginga av elva skuldast arbeid med eit trekkerøyr for høgspentkabel mellom kraftstasjonen og eit tilkoplingspunkt på andre sida av elva. Ifølgje selskapet skjer arbeidet i samsvar med godkjende detaljplanar for prosjektet.

Avviket med trevirket som var observert drivande nedover elva skuldast isgang i elva. Det resulterte i at forskaling ved inntaket vart riven sund slik at trevirke losna.

– Det er uvisst kva oljesølet i elva skuldast. Entreprenøren har gjennomført ein ekstra og intern gjennomgang med alle involverte i prosjektet, men ingen avvik om oljeutslepp er meldt til byggherren. Ei forklaring på oljesølet kan skuldast olje som vart nytta på forskalinga.