Ørret: 
Røye: 
0
Valdres 2.mars 2006:
Opnar fiskemottak på Lo.
Knut Ødegaard dreiv sumaren 2005 prøvefiske med ruse i Strøndafjorden. Han tok opp 1200 kilo sik og 50 kilo aure
Knut Ødegaard har leigt båthuset til Norbert Kuhn på Lo og opnar fiskemottak i huset til sumaren. Han skal både fiske og foredle fisken sjølv.
Norbert Kuhn må ha tenkt på meg då han bygde båthuset sitt her på Lo med kjøken, toalett og naust i same huset slik at ein kan kjøre rett inn til ismaskinen med fisken, fortel Knut Ødegaard. Anlegget ligg dessutan rett ned for garden hans.
Knut Ødegaard har stifta selskapet Innlandsfisk AS, og vil sjølv drive sikfiske i juni, juli og august månader saman med kompanjong Ben Bernhofsen, busett i Røn. Han er nær sagt oppvaksen på fiskebåt i Lofoten, og målet er at karane i løpet av komande sesong skal ta opp 6000 kilo sik.
Knut Ødegaard fortel at planen er å kjøre fisken rett til anlegget på Lo, og foredle han til filetar, som han vil by fram som råvare overfor lokale hotell, butikkar og eventuelt andre mottakarar utanfor distriktet. Ødegaard arbeider for tida med å byggje opp eit kundenett for sikfiletane.
Det kan også hende vi vil røyke litt av fisken sjølv, og kanskje laga litt sikkaker. Men vi har førebels ikkje råd til å investere mykje i maskiner for å kunne drive vidare foredling av fiskekjøtet, seier Ødegaard.
Sist haust gjekk Knut Ødegaard ut og etterlyste grunneigarar som ville fiske og selja fisken til han, slik at han kunne foredle fisken for vidare sal. Men ingen melde seg. Difor seier han bonden Knut Ødegaard vil fiske og selja til hans eige selskap, Innlandsfisk AS.
Knut Ødegaard seier han framleis er interessert i å motta fisk frå andre fiskarar, dersom han blir teken opp og handtert på ein slik måte at det er ei råvare å nytte vidare. Dette har mellom anna å gjera med at fisken må leggjast på is i isolerte kasser alt ute på fjorden. Ødegaard seier han er særleg interessert dersom nokon vil fiske sik på Aurdalsfjorden eller Ølsjøen.
Han etterlyser også ein forvaltningsplan for Strøndafjorden, som grunneigarlaget for fjorden har planar om å få utarbeidd.