Publisert: 18.02.08

Fylkesmannen har vedtatt å kutte i fisketidene for de fleste vassdrag i Hordaland for 2008 - 2012 , mens det i noen elver er innført fangstreduserende tiltak som et alternativ til kortere fisketid. Det blir stengt for alt fiske i Bjoreio og en kvote på 2 laks pr. fisker i Etneelva.

Døgnkvoter på 2 villfisk pr. fisker i Etneelva

Fisketida i Etnevassdraget vert som dei siste 5 åra, etter at fagrådet har gjeve innspel om at det vert innført døgnkvotar på 2 villfisk pr fiskar. Dei har og lagt opp til redusert uttak av fisk i dei to fossane som er vanskelegast for fisken å passere, og laga tiltaksplan for ytterlegare reduksjon i uttaket av fisk om det i løpet av fiskesesongen ser ut til å bli lite gytefisk. I tillegg vil dei sette i verk omfattande uttak av rømt fisk i vassdraget, mellom anna ved hjelp av dykkarar.

Fiskestart 1.juni i Oselva

Fiskestarten i Osvassdraget vert framskynda med ein månad i høve til framlegget, slik at det framleis vert opning 1. juni. Dette er gjort etter at fagrådet har gjeve innspel om at det vert innført døgnkvotar på 1 villaks pr fiskar. Dei har og laga tiltaksplan for ytterlegare reduksjon i uttaket av fisk om det i løpet av fiskesesongen ser ut til å bli lite gytefisk. I tillegg vil dei sette i verk omfattande uttak av rømt fisk i vassdraget, mellom anna ved hjelp av dykkarar. Dessutan har fagrådet for Osvassdraget lagt fram ei alternativ utrekning av det gytemålet som var ein del av grunnlaget for fylkesmannen sitt framlegg til innkorting i fisketid. Vi ser at gytemålet kan vere satt for høgt, og at Osvassdraget difor kanskje har hatt nok gytefisk dei seinare åra. Det er likevel eit stort problem med for mykje rømd laks i elva. Det er naudsynt å balansere uttaket av vill laks med tiltak for å redusere mengden rømd laks.

Fortsatt sen sesongavslutning i Daleelva og Ådlandsvassdraget

I desse to vassdraga vert sesongslutt framleis 30. september. Dette er eit unnatak i høve til høyringsframlegget og i høve til dei andre vassdraga i fylket. Vedtaket vert gjort fordi det er ei godt organisert lokal forvalting av desse vassdraga, og dei har sett i verk ymse andre tiltak for å sikre villfiskstammane. dette gjeld mellom anna fjerning av rømt laks og tiltaksplan for å redusere uttaket av gytefisk i dårlege år. I Daleelva er det berre tillete å fiske aure og rømd fisk dei siste 15 dagane av sesongen.

Stengt for alt fiske i Bjoreio

I Bjoreio vert framlegget om å stenge for alt fiske oppretthalde. Dette vert vurdert som naudsynt for å verne om den sterkt truga laksestamma, og sørge for at det vert mogeleg å byggje opp att stamma i tråd med dei tiltaka som vert sett i verk i elva og fjorden. Det har dei seinare åra vore ope for fiske etter sjøaure og rømd fisk, men organiseringa av dette fisket vert vurdert å ikkje vere tilfredsstillande nok til at eit slikt fiske er forsvarleg. Ei ny opning av fiske i Bjoreio kan verte vurdert eit seinare år dersom fiskerettshavarane får til ei god nok organisering av fangstrapportering, fiskereglar, informasjon, oppsyn mv.

Stopp i fisket i Tysseelva

Den lokale forvalting i Tysseelva er samd i at fisket etter vill laks og sjøaure skal stoggast i ein periode, på grunn av den dårlege stoda for desse fiskestammane i vassdraget. Men dei ynskjer å halde ope for eit fiske på rømd fisk i osen. Dette er fylkesmannen innstilt på å gje løyve til, men dette vert ikkje handsama i denne forskriften. Eit slikt fiske, berre etter oppdrettsfisk, vert handsama etter serskilt søknad. Det er ein føresetnad at eit slikt fiske vert organisert slik at det fører til minst mogeleg skade på villfisk.


I sitt vedtak minner Fylkesmannen om rettshavarane sitt ansvar for å vurdere om det er naudsynt med ytterlegare innskrenkingar i uttaket av fisk, serskilt i dårlege år. Det er og sers viktig at rømd oppdrettslaks vert fjerna frå gyteplassane i størst mogeleg grad. Fylkesmannen arbeidar for at lakseoppdrettsnæringa skal ta ansvar for dette arbeidet, men inntil vidare må diverre rettshavarane ta på seg dette arbeidet. Om det vert for høg andel rømd laks i elvane, må fisket kortast inn ytterlegare, for å halde ein høgast mogleg andel vill laks under gytinga.



Les mer på www.fylkesmannen.no/ Hordaland

klikk her

klikk her