Publisert: 01.12.09
I alt 13 lakseelver i Hordaland blir helt stengt for alt fiske i 2010. Samtidig blir det forbud mot fiske i alle elver og bekker med sjøørret i midtre Hardangerfjord. Flere laksebestander fredes. Fisketidene reduseres. Fiskeforvalter Atle Kambestad karakteriserer overfor Fiskeguiden sitt forslag til nye fiskeregler for dramatisk, men som er nødvendig av hensyn til de svake og manglende bærekraftgige bestandene. Oselven (bildet) og Etneelva beholder sin fisketid, men her har elveeierne innført fangstkvoter. Foto: Liv-Randi Lind.
Det er tillete å fiske anadrome laksefisk i følgjande vassdrag innafor dei oppgjevne datoane:
Storelva i Arna 01.07 – 15.09 (laks) / 01.07-15.09(sjøørret)
Eio Forbode* / 01.07-15.09
Eidfjordvatnet Forbode* / 15.07 – 15.09
Veig Forbode* / 15.07 – 15.09
Simo 15.07 – 15.09 / 15.07 – 15.09
Etnevassdraget 01.06 – 31.08**/ 01.06 – 31.08
Fjæraelva Forbode* / 15.07 – 15.09
Mosneselva 01.07 – 15.09 / 01.07 – 15.09
Kjærelva /Storavatnet 01.07 – 15.09 / 01.07 – 15.09
Hopselva 15.07 – 15.09 / 15.07 – 15.09
Granvinvassdraget Forbode* / 15.06 – 15.09
Bondhuselva 15.06 – 15.09 / Forbode
Blåelva 15.07 – 15.09 / 15.07 – 15.09
Guddalselva 01.07 – 15.09 / Forbode
Uskedalselva 15.06 – 15.09 / 15.06 – 15.09
Æneselva 15.06 – 15.09 / Forbode
Storelva på Natås 15.06 – 15.09 /15.06 – 15.09
Romarheimselva 01.07 – 15.09/ 01.07 – 15.09
Andvikvassdraget 15.07 – 15.09 /15.07 – 15.09
Frøysetelva 15.06 – 15.09 /15.06 – 15.09
Hopevassdraget 15.07 – 15.09 /15.07 – 15.09
Matreelva 15.07 – 15.09 /15.07 – 15.09
Haugsdalselva 01.07 – 15.09 /01.07 – 15.09
Modalselva 15.07 – 15.09/ 15.07 – 15.09
Opo Forbode* / 01.07 – 31.08
Lønningdalselva 01.08 – 15.09 / 01.08 – 15.09
Osvassdraget 15.06 – 15.09**/15.06 – 15.09
Kinso opp til nedkant av Hølen Forbode* /15.07 – 15.09
Daleelva 01.07 – 15.09*/01.07 – 30.09
Ekso Forbode* /01.07 – 15.09
Vosso, offentlege rettar
ovanfor Vangsvatnet Forbode* /01.07 – 31.08
Voss (Bulken-Evanger) Forbode*/01.07 – 31.08
Teigdalselva Forbode* / 01.07 – 15.09
Bolstadelva Forbode*/ 01.07 – 31.08r
br>
* Fiske etter oppdrettslaks og regnbogeaure tillete i fisketida for sjøaure etter nærare reglar utarbeidd av fiskerettshavarane
** Rettighetshavarane har innført døgnkvotar på fangsten
I følgjande vassdrag eller vassdragsdelar der det går anadrom fisk er det ikkje tillete å fiske:
Bjoreio i Eidfjordvassdraget
Kinso i Ullensvang frå og med utløpet av Hølen og oppover så langt laks kan vandre
Tyssevassdraget i Samnanger
Kjærelva/Ådlandsvassdraget i Stord
Jondalselva
Steinsdalselva og Movatnet i Kvam
Øysteseelva i Kvam
Fosselva i Kvam
Strandadalselva i Kvam
Mundheimselva i Kvam
Rosendalselvane i Kvinnherad
Omvikedalselva i Kvinnherad
I tillegg alle elver og bekker med sjøaure i midtre Hardangerfjord frå og med Øystese til og med Omvikedalen.
Ved følgjande elveoser eller liknande vert det tillete å fiske etter laksefisk heile året:
Hopsfossen i Nordåsvatnet i Bergen
Utløpet frå kraftverket i Sima i Eidfjord
Langfossen i Åkrafjorden i Etne
Utløpet av Henangervassdraget i Sævareid i Fusa
Utløpet av Skjelbreidvassdraget i Eikelandsosen i Fusa
Utløpskanalen frå kraftverket i Austrepollen i Kvinnherad
Utløpet frå kraftverket i Matre i Kvinnherad
Furubergfossen i Maurangerfjorden i Kvinnherad
Utløpet frå kraftverket i Matre i Masfjorden
Utløpet frå kraftverket i Fotlandsvåg i Osterøy
Utløpet fra BKK sitt kraftverk i Ulvik
Utløpet frå Fossmark kraftverk i Vaksdal
Her er fylkesfiskeforvaltarens framlegg til ny forskrift for regulering av fiske etter laks og sjøaure i vassdrag i Hordaland, som no går ut på høyring:
Fylkesmannen i Hordaland sender med dette ut framlegg til ein ny femårs forskrift for regulering av fisketider med meir for laks og sjøaure i vassdrag i Hordaland. Frist for å kome med innspel til framlegget er 20.01.10. Fylkesmannen inviterar til dialog med rettigheitshavarane i høyringsperioden. Ny forskrift skal vere fastsett 15.02.10.
Direktoratet for naturforvaltning har vedteke at det skal utarbeidast ein ny femårs forskrift for regulering av fisket etter anadrome laksefisk i vassdrag, gjeldande for perioden 2010 – 2014. Fylkesmannen orienterte i samarbeid med Norske Lakseelvar om prosessen og nasjonale føringar for utarbeiding av ny forskrift for representantar frå den lokale forvalting av lakse- og sjøaurestammane i fylket på Voss 20.10.09. Fylkesmannen haldt og møte om denne saka for det regionale fagrådet for lakse- og sjøaurestammar i Hordaland 03.11.09
Det må settast inn fleire tiltak for å fjerne oppdrattslaksen
Direktoratet har utarbeidd ein rad retningsliner for reguleringane, på grunn av at mange stammer av laks har for lite gytefisk og for høg mengd rømd oppdrettslaks. I hovudsak går desse ut på at uttaket av villaks må reduserast mange stadar, og at det må settast inn fleire tiltak for å fjerne rømd oppdrettslaks. Fylkesmannen meiner at retningslinene gjer eit klårt signal om at villaksen i ei rekkje stammer i Hordaland må få eit betre vern mot overfiske og rømd oppdrettslaks. Direktoratet har og gjeve klåre føringar om at sjøaurestammene må få eit betre vern mot overfiske. Sjøaurestammer som har for lite gytefisk, grunna til dømes mykje lakselus i sjøen, skal difor ikkje fiskast på. På grunn av dette gjer Fylkesmannen mellom anna framlegg om å stogge alt elvefiske på sjøaure i det området av fylket kor det er størst problem med lakselus; i midtre Hardanger, mellom Øystese og Omvikedalen. I enkelte andre elvar kor lokal forureining har skapt stor fiskedød, er det gjort framlegg om heilt stogg i elvefisket i denne perioden.
Nytt av året er at Direktoratet for naturforvalting har oppretta Det vitenskapelige rådet for lakseforvaltning. Dette rådet har vurdert om dei siste års fiske i dei viktigaste laksestammane i landet er berekraftig. I Hordaland er som kjent laksefisket i dei fleste lakseelvane stengt. For dei der det framleis er eit fiske, har dei vurdert dette for å vere innanfor forsvarlege rammar i dei fleste av elvane, men i Oselva rår dei til moderert reduksjon av fisket. Rapporten frå dette rådet kan ein finne her: http://www.dirnat.no/content.ap?thisId=500039033&language=0
Usikre på Fjæraelva
Av dei mindre elvane med laksestamme, som ikkje vitskapsrådet har vurdert, er fylkesmannen mest usikker på stoda for Fjæraelva. Laksestamma der er lita og smolten må vandre langt gjennom lakselusområda. Det er og mykje oppdrettslaks der. I sesongen 2009 har grunneigarane og fiskarane friviljug sett ut att all villfisk i den elva. I samråd med grunneigarane gjer difor fylkesmannen framlegg om stogg i fisket etter vill laks også i den elva. Det vil framleis vere tillete å fiske sjøaure og oppdrettslaks i elva.
Kritisk for Vosso-laksen
Stoda i Vossavassdraget er serskilt. Førebels har ikkje fylkesmannen gjort framlegg om endringar i fisketid i dette vassdraget, men vil vurdere dette serskilt i høyringstida i Tiltaksutvalet for Vossolaksen, der også grunneigarane er representerte. Det er ekstra kritisk for den ville laksestamma, og difor serskilt viktig å vere sikker på at fisket i vassdraget ikkje reduserer sjansen for å redde den. Samstundes er det sett i verk tiltak som vil endre stoda i løpet av virkningsperioden for forskrifta.
Den lokale forvaltninga må fylgje med
I elver som framleis har eit fiske etter vill laks og sjøaure, er det viktig at den lokale forvalting fylgjer med undervegs i fiskesesongen, og setter inn tiltak om det ser ut for å kunne verte for lite gytefisk etter at fiskesesongen er omme. Slik dynamisk fiskeregulering har vore nytta med hell i Daleelva og etterkvart og i fleire andre vassdrag i fylket. I nasjonale lakseelvar, som Etne, er det eit krav for å kunne ha ope for fiske, at det vert gjennomført ei vurdering av stoda etter halvendt sesong. Dette skal mellom anna gjerast med eit regneark utarbeidd for Direktoratet for naturforvaltning. Det skal og vere utarbeidd ein førehandsklarert handlingsplan som skal nyttast til å regulere fisket resten av sesongen. Ein slik plan skal leggast fram for fylkesmannen til godkjenning seinast ved utløpet av høyringsfristen for denne forskrifta, og er ein føresetnad for at ein kan ha den fisketida som fylkesmannen her har gjort framlegg om. Av di stoda for villaksen i Oselva er usikker, og det er ynskje om ein relativt lang fiskesesong, set Fylkesmannen same krav til framlegging av handlingsplan der.
Kortare fisketid i Oselva og Etneelva
Direktoratet for naturforvaltning har opna for at det kan nyttast andre fangstreduserande tiltak enn innkorta fiskesesong. I Oselva og Etneelva vart det i fjor innført kvoteavgrensingar. Det er ein føresetnad at dette eller minst like virkningsfulle tiltak vert vidareført for å oppretthalde den fisketid som er gjeve i dette framlegget. Fylkesmannen går likevel inn for ei innkorting av fisketida i dei to elvane, av di dagens fisktider er lenger enn den maksimale ramma som Direktoratet for Naturforvaltning har sett på tre månader. Direktoratet har og sett som vilkår at fisket skal føre til redusert andel rømd oppdrettslaks. Dette må etter Fylkesmannen sin meining vegast opp mot innsats og høve for å sile vekk oppdrettsfisken etter sesongslutt, og fangstreduserande tiltak i oppvandringshindrande høler tidleg i sesongen.
Fisketida kan verte redusert endå meir
Andel oppdrettslaks på gyteplassane vil vere ein viktig styringsparameter for forvaltinga av villaksstammane framover. Direktoratet for naturforvaltning har i sine retningsliner sagt at det skal settjast inn tiltak for å redusere innslag av rømt laks der det jamt er meir enn 5 % i gytestammane. I elver der det er jamt meir enn 20 % må det settast i verk strenge tiltak for at ein skal kunne oppretthalde eit fiske på vill laks. Denne faktoren kan gjere at Fylkesmannen kan kome til å redusere fiskesesongen på vill laks ytterlegare i løpet av forskriftsperioden om det viser seg at ein ikkje lukkast med å halde andel oppdrettslaks i gytestamma lågt nok.
Vi vil til slutt understreke at dette er eit høyringsframlegg. Vi ser fram til dialog med rettigheitshavarane, lokale fagråd og andre i høyringsperioden. Det er sers viktig å verne om fiskestammane og sørgje for at dei produserar maksimalt, men der det er god og aktiv lokal forvalting kan det utarbeidast andre reglar som i nokon grad kan være eit alternativ til innkorta fisketid, skriv fiskeforvaltar Atle Kambestad.
Høyringsfrist 20.januar 2010
Høyringsfrist vert sett til 20.01.10. Ny forskrift skal vere vedteke seinast 15.02.10. Meir bakgrunnsinformasjon om denne prosessen og dei retningslinene som gjeld vil verte lagt ut på våre internettsider: http://www.fylkesmannen.no/fagom.aspx?m=1178